Michael Jackson ka incizuar më shumë se 100 këngë në mënyrë sekrete, por refuzon t’i lëshojë ata deri në vdekje, ka bërë të ditur autori i biografisë së tij.

Krijuesi i hitit “Thriller” ka grumbulluar një varg këngësh por dëshiron që ata të dëgjohen vetëm nga fëmijët e tij, Prince, 11-vjeçar, Paris Katherine, 10-vjeçare dhe pesëvjeçari Prince Michael II, pasi ai të vdesë.

Këto supozime i shpreh autori i librit të ardhshëm “Unmasked, The Michael Jackson Story”, Ian Halperin.

“Jam i habitur nga numri i këngëve që janë mbajtur të pa-lëshuara. Më është thënë se ai nuk dëshiron t’i lëshojë ata, por dëshiron që të mbeten për fëmijët e tij, një trashëgim shumë personal për ta”, ka thënë Halperin.