Bika është e trishtuar dhe nuk dëshiron të marrë pjesë në debatin e drejtuar nga Dritani. Vajza e cila struket duke qarë në banjë, ndjehet e sulmuar nga banorët e tjerë që sipas saj komentojnë cdo veprim që ajo bën. Adelajda, Arjoni dhe Dritani përpiqen ta qetësojnë.

Banorët diskutojnë mbi temën e dënimit me vdekje. Arjoni dhe Aida shprehen kundër tij. Sipas 23 vjeçarit ky lloj dënimi eshtë një lloj barbarizmi, e gjithashtu në disa raste lehtësues për shumë kriminelë, të cilët meritojnë te vuajnë më shumë. Të njëjtin mendim ndan edhe Zhuljeta.

Banorët janë duke drekuar dhe Bjordi është pranë Adelajdes. Arjoni nuk rresht së ngacmuari me batuta ironike 20 vjeçarin. “Pozicionohu – i thote ai – se nuk mund te luash me dy porta, nuk të lejon Adelajda” – duke iu referuar afrimitetit të tij si me Mimozën ashtu dhe me Adelajdën. Më pas, kur vajza nga Kosova ngrihet nga tavolina i drejtohet sërish Bjordit me një batutë nga filmi “14 vjec dhëndër”. “Rritu Gjino, se do të të marrin fiqtë”.

Me sa duket Bjordit i ka pëlqyer loja e një nate më parë, kur improvizoi martesë me Mimozën. Ai e fton te bëjnë një shëtitje romantike në kopësht si burri me gruan. Pasi ecin krah për krah për pak minuta ulen dhe diskutojnë mbi shijet muzikore. Bjordi e pyet cila është rryma që preferon më shumë dhe Mimoza i thotë se pëlqen hip-hopin dhe baladat, sidomos ato të Celine Dion. Vajza tallet me simpatinë e tij për Michael Jackson, ndersa ai i përgjigjet me shaka se nëse do të jetojnë bashkë duhet të mesohet të dëgjojë këngët e tij. Kur rikthehen brenda të tjerët komentojnë mbi faktin që jashtë ishte shumë ftohtë. “Na ngrohu dashuria”-u thotë Bjordi.