Ronaldinho dhe Robinho përfshihet në ekipin olimpik
Trajneri brazilian, Dunga, e ka emërtuar ekipin e tij që do të jetë pjesë e Lojërave Olimpike, duke i përfshirë në listën finale edhe yllin e Barcelonës, Ronaldinhon, si dhe atë të Real Madridit, Robinhon.
Në listën e Dungas pritej të jetë edhe mbrojtësi i Romës, Juan, por klubi italian vendosi të mos e lejojë lojtarin për të qenë pjesë e Lojërave Olimpike.
Edhe pse Werder Bremen dhe Schalke 04 publikisht kishin thënë se nuk do t’i lejojnë yjet si Diego dhe Rafinha, dyshja janë pjesë e planeve të Dungas.
Brazili bën pjesë në Grupin C, ndërsa debutimin do ta ketë më 7 gusht kundër Belgjikës, dhe pastaj kundër Zelandës së Re dhe nikoqirit të kampionatit, Kinës.
Ekipi:
Portierë:Diego Alves (Almeria), Renan (Internacional);
Mbrojtës:Breno (Bayern Munich), Alex Silva (Sao Paulo), Thiago Silva (Fluminense), Rafinha (Schalke 04), Ilsinho (Shakhtar Donetsk), Marcelo (Real Madrid);
Mesfushorë:Anderson (Manchester United), Lucas (Liverpool), Ronaldinho (Barcelona), Diego (Werder Bremen), Hernanes (Sao Paulo), Thiago Neves (Fluminense);
Sulmues:Alexandre Pato (AC Milan), Jo (Manchester City), Rafael Sobis (Real Betis), Robinho (Real Madrid).
|