Këngëtarja Nora Istrefi, e cila së fundmi ka promovuar video-projektin “Another World”, në bashkëpunim me reperin amerikan Janatan, në një intervistë dhënë për Flladin Veror duke folur për fejesën me Robert Berishën, ka deklaruar se nuk ka ndryshuar asgjë në jetën e saj. Nora ka treguar se është ndier mirë, meqë pothuaj të gjithë kolegët e kanë uruar për fejesë. Megjithëkëtë, gjatë intervistës është vërejtur se këngëtarja nuk e kishte në gisht unazën e fejesës.
Sa i përket muzikës, Nora me disa këngëtarë të tjerë ndërkombëtarë është përzgjedhur për të realizuar këngë, të cilat më pas do të dërgohen në një produksion të njohur muzikor amerikan.
Nëse producentët do ta pëlqejnë dhe vlerësojnë interpretimin e Norës, mund të ndodhë që asaj t’i hapen rrugët edhe për një karrierë të mundshme ndërkombëtare.