Maqedonia është në mes të shteteve të rajonit dhe Evropës Qendrore sipas piraterisë softvere, me shkallë prej 68 për qind në vitin 2007.
Në korniza rajonale, shkallë më të ulët ka Kroacia - 54 për qind, ndërsa përqindje të njëjtë si Maqedonia kanë Bosnja e Hercegovina, Bullgaria dhe Rumania, tregon hulumtimi i zbatuar nga IDC, kompani e pavarur për hulumtim global të tregjeve dhe parashikim të sferës së teknologjisë informatike.
Serbia vitin e kaluar ka pasur shkallë të piraterisë softvere prej 76 për qind, Shqipëria 78, ndërsa Mali i Zi 83 për qind.
Në kuadër të Evropës Lindore, shkallë më të ulët kishte Çekia (39 për qind), Hungaria - 42, Sllovakia (45) dhe Sllovenia - 48.
Shkalla më e lartë e piraterisë softvere në Evropën Lindore dhe Qendrore është regjistruar në Moldovë - 92 për qind.
|