Aktorja Pamela Anderson ka pranuar se ajo dhe ish-burri i saj, Tommy Lee, janë sërish së bashku, duke thënë se ata bëjnë një “pako të përkryer”.

“Ne jemi thjesht miq të mirë, jemi një kombinim i paketuar, kjo është e sigurt. Unë kaloj shumë kohë me të këtë verë... Kënaqemi derisa jemi bashkë... Është vetëm një prej gjërave. Ai është baba i fëmijëve tanë dhe nuk mund t’i ikni kësaj”, ka thënë Anderson.

Anderson ka qenë e martuar me rokerin e bendit “Motley Crue” për tre vite, ndërsa u ndanë në vitin 1998. Por, ata po kalojnë gjithnjë e më shumë kohë së bashku kohëve të fundit. Dyshja kanë dy djem, Dylan, 10-vjeçar, dhe Brandon, 12-vjeçar.