15-vjeçarja Chantelle ka lindur vajzën para katër ditësh, të cilën me Alfien e ka nisur pas marrëdhënies së parë seksuale. Alfie e Chantelle kishin vendosur që fëmija të lind pasi që e kishin kuptuar se 15-vjeçarja kishte mbetur shtatzënë. Kam menduar se do të ishte mirë të kesh fëmijë. Nuk kam menduar fare nëse do të mund ta përballojmë financiarisht. Nuk kemi para, e babai im nganjëherë më jep nga 10 funtë, thotë Chantelle.

Djaloshi ka qenë çdo ditë në spital para lindjes, e kur e vogla Maisie ka lindur i pari e ka marrë në dorë, e ka puthur dhe i ka dhënë një shishe me qumësht.

"Kur e ka kuptuar nëna ime se Chantelle është shtatzënë kam menduar se jam në telashe të mëdha. Kemi dashur të kemi fëmijën, por kam pasur frikë se si njerëzit do të reagojnë. Nuk e di se çfarë babai do të jem, por do të përkujdesem për të", thotë Alfie.
Babai 45-vjeçar i Alfiet, Dennis, i cili është bërë gjysh, thotë se djali i tij nuk e kupton seriozitetin e situatës e as çfarë është të kesh fëmijë, por mundohet me shpirt se mund të jetë një baba i përgjegjshëm dhe i mirë.

E porsalindura Maisie është nisur kur Chantelle e Alfie e kanë pasur vetëm një marrëdhënie pa mbrojtje. Ata e kanë kuptuar se Chantelle ishte shtatzënë pas 12 javësh. E kanë mbajtur në fshehtësi gjashtë javë derisa e ëma e Chantelles, 38-vjeçarja Penny, ka filluar të dyshojë për shkak të peshës së saj.